Адзіны дзень інфармавання "Беларусь суверэнная: ад аднаўлення народнай гаспадаркі да інавацыйных праектаў будучыні"

28.07.2025

У калектывах арганізацый, падведамасных Дзяржаўнаму камітэту па навуцы і тэхналогіях Рэспублікі Беларусь, прайшоў Адзіны дзень інфармавання, прысвечаны этапам станаўлення суверэннай Беларусі і знакавых дасягненняў.

Сустрэчу ў Рэспубліканскай навукова-тэхнічнай бібліятэцы правёў Старшыня Дзяржаўнага камітэта па навуцы і тэхналогіях Сяргей Шлычкоў.

Ён расказаў аб перадавых беларускіх распрацоўках, дзейнасці вядучых прадпрыемстваў, а таксама аб рэалізуемых комплексных "праектах будучыні", якія маюць патэнцыял стаць пунктамі росту для нацыянальнай эканомікі. Гэта — "Інавацыйная ахова здароўя", "Біятэхналогіі для фармацэўтыкі", "Разумныя гарады для Беларусі", "Нацыянальны электратранспарт", "Біятэхналогіі ў аграпрамысловым комплексе", "Дакладнае земляробства".

"За восем дзесяцігоддзяў мірнага існавання Беларусь дасягнула шмат чаго. Усе поспехі і дасягненні нашых людзей ствараюць гісторыю дзяржавы, аб'ядноўваюць беларусаў у пачуцці гонару за сваіх суайчыннікаў, фарміруюць імідж краіны — моцнай, паспяховай і стваральнай", — адзначыў Сяргей Шлычкоў.

За апошнія дзесяцігоддзі наша краіна ператварылася ў сучасную еўрапейскую дзяржаву, якая ўпэўнена ідзе ўласным шляхам развіцця.

Адным з прыярытэтаў з'яўляецца стаўка на развіццё высокіх тэхналогій, якія з'яўляюцца драйверам эканомікі краіны.

Паспяхова развіваецца касмічная галіна. З запускам першага беларускага касмічнага апарата ў 2012 годзе Беларусь увайшла ў лік сусветных касмічных дзяржаў, а ў 2013 — была прынята ў члены Камітэта ААН па выкарыстанні касмічнай прасторы ў мірных мэтах. Пасля палёту першага беларускага касманаўта Марыны Васілеўскай мы ўпэўнена гаворым: "Космас наш!".

Суверэнная Беларусь не толькі пакарыла космас, але і ўвайшла ў "Клуб краін мірнага атама".

Свая атамная электрастанцыя забяспечвае энергетычную самастойнасць краіны, Беларусь поўнасцю адмовілася ад імпарту электрычнай энергіі.

Беларусь з'яўляецца сучаснай IT-краінай. Парк высокіх тэхналогій фарміруе да 4 працэнтаў ВУП і забяспечвае 30 працэнтаў экспарту паслуг усёй краіны, таксама з'яўляецца вядучым IT-кластэрам у Цэнтральнай і Усходняй Еўропе.

Драйверам навукова-інавацыйнага развіцця Беларусі з'яўляецца індустрыяльны парк "Вялікі камень", арыентаваны на развіццё вытворчасцей у найбольш перспектыўных і навукаёмістых галінах.

Яшчэ адзін унікальны маштабны тэхналагічны праект — ЗАТ "Беларуская нацыянальная біятэхналагічная карпарацыя", аналагаў якой няма ні ў Еўропе, ні на постсавецкай прасторы.

У сваім выступленні Сяргей Шлычкоў зрабіў акцэнт на тым, што наша краіна адна з нямногіх краін свету, якая поўнасцю забяспечвае харчовую бяспеку. Сярод дзяржаў-членаў ЕАЭС дасягнуты найбольш высокі ўзровень — 96 працэнтаў. Мы ўваходзім у лік сусветных лідэраў па экспарце прадуктаў харчавання. Наша краіна знаходзіцца ў топ-5 сусветных экспарцёраў малочнай прадукцыі. Беларускія прадукты прадстаўлены ў больш як 100 краінах свету і карыстаюцца попытам у насельніцтва.

Ва ўсім свеце ведаюць трактар BELARUS.

Рэспубліка Беларусь па праве лічыцца аўтамабільнай краінай. З'яўленне брэнда "Белджы" дазволіла наладзіць выпуск легкавых аўтамабіляў на высокім тэхналагічным узроўні.

У рэспубліцы аказваецца высокатэхналагічная медыцынская дапамога на аснове самых сучасных дасягненняў медыцынскай навукі і тэхналогій. Інавацыйныя метады лячэння беларускіх кардыёлагаў, нейрахірургаў, а таксама распрацаваныя нашымі навукоўцамі новыя спосабы лячэння раку з дапамогай клеткавых тэхналогій — тое, чым мы па праве можам ганарыцца.

У суверэннай Беларусі, захаваўшы прынцыпы справядлівага жыццяўладкавання, сумесна прымножылі ўсё лепшае, што было створана нашымі папярэднікамі.

У лінейку найбольш вядомых нацыянальных брэндаў Рэспублікі Беларусь уваходзяць: тэхніка Мінскага завода колавых цягачоў, "Гомсельмаша", "Белкамунмаша", "Амкадора" і іншых прадпрыемстваў машынабудавання; тэхніка "Атланта", "Гефеста"; прадукцыя "Беларуськалія", "Інтэграла"; адзенне ад Elema, "Світанка", Mark Formelle, "Мілавіцы"; усім знаёмыя брэнды "Санта Брэмар", "Матыяс", "Савушкін прадукт"; кандытарскія вырабы "Камунаркі" і "Спартака"; касметыка "Беліты" і "Вітэкса"; а таксама вядомая ракетная сістэма залпавага агню "Паланэз", іншая прадукцыя абароннага сектара эканомікі; оптыка-электронная прадукцыя "Пеленга" і многае іншае.

Наша краіна ўпэўнена рухаецца наперад у сваім развіцці. Сёння мы маем сур'ёзныя кропкі росту, якія будуць вызначаць далейшае развіццё ў бліжэйшыя дзесяцігоддзі. Дасягненні ў касмічнай, атамнай і біятэхналагічнай галінах, поспехі ў ІТ-сферы, мікраэлектроніцы, медыцыне і іншых галінах — усё гэта служыць магутным падмуркам для далейшага інавацыйнага развіцця Беларусі.

Па матэрыялах Мінгарвыканкама, ДКНТ