Урадам абноўлены пералік праектаў па стварэнню новых вытворчасцей для інавацыйнага развіцця Беларусі

16.07.2025

Адкарэктавана пастанова Урада Рэспублікі Беларусь ад 12 лістапада 2021 г. № 642, накіраваная на рэалізацыю Указа Кіраўніка дзяржавы ад 15 верасня 2021 г. № 348 "Аб Дзяржаўнай праграме інавацыйнага развіцця Рэспублікі Беларусь на 2021-2025 гады". Гэтае рашэнне замацавана пастановай Савета Міністраў Рэспублікі Беларусь ад 11 ліпеня 2025 г. № 380. 

Змяненнямі, у прыватнасці, прадугледжана ўдакладненне пераліку праектаў па стварэнню новых вытворчасцей, якія маюць вызначальнае значэнне для інавацыйнага развіцця Рэспублікі Беларусь. У яго ўключана 101 найменне праектаў (раней — 96) у розных сферах, у тым ліку энергетыцы, будаўніцтве, экалогіі, рацыянальным прыродакарыстанні, машынабудаванні і інш.

Акрамя таго, у новай рэдакцыі выкладзены

• план-графік рэалізацыі праектаў па стварэнні новых вытворчасцей, якія маюць вызначальнае значэнне для інавацыйнага развіцця Рэспублікі Беларусь;
• аб'ёмы фінансавання праектаў па стварэнню новых вытворчасцей, якія маюць вызначальнае значэнне для інавацыйнага развіцця Рэспублікі Беларусь, і мерапрыемстваў па развіццю інавацыйнай інфраструктуры Рэспублікі Беларусь.

Пастанова набыла моц 11 ліпеня 2025 г.

Крыніца: Нацыянальны прававы Інтэрнэт-партал Рэспублікі Беларусь