Подзвігу народа жыць у стагоддзях. Да 80-годдзя Перамогі ў Вялікай Айчыннай вайне

21.04.2025

Ёсць падзеі, значэнне якіх не цьмянее з цягам часу. Перамога савецкага народа ў Вялікай Айчыннай вайне — адна з такіх падзей у нашай гісторыі.

Пра лёсавызначальную дату — 9 мая 1945 года, неабвержныя факты, ратны подзвіг і свет гаварылі сёння ў Рэспубліканскай навукова-тэхнічнай бібліятэцы, дзе прайшла сустрэча ў рамках Адзінага дня інфармавання.

Сярод удзельнікаў — прадстаўнікі Дзяржаўнага камітэта па навуцы і тэхналогіях і падведамасных ДКНТ арганізацый — Беларускага інстытута сістэмнага аналізу і інфармацыйнага забеспячэння навукова-тэхнічнай сферы, Нацыянальнага цэнтра інтэлектуальнай уласнасці, Беларускага інавацыйнага фонду і Рэспубліканскай навукова-тэхнічнай бібліятэкі.

Спікерам выступіў Старшыня ДКНТ, кандыдат ваенных навук, дацэнт Сяргей Шлычкоў. 

Удзельнікі сустрэчы таксама азнаёміліся з тэматычнай выставай літаратуры з фонду РНТБ.