Беларускі інстытут сістэмнага аналізу і інфармацыйнага забеспячэння навукова-тэхнічнай сферы

У Нацыянальным прэс-цэнтры прайшла прэс-канферэнцыя "Аб Комплексным прагнозе навукова-тэхнічнага прагрэсу Беларусі на 2026-2030 гады і на перыяд да 2045 года"
Адрас дакумента: http://www.belisa.org.by/by/news/f4fdaf07ebeb6cf6.html

06.12.2024

У прэс-канферэнцыі прынялі ўдзел Старшыня Дзяржаўнага камітэта па навуцы і тэхналогіях Рэспублікі Беларусь Сяргей Шлычкоў, дырэктар ДУ "Беларускі інстытут сістэмнага аналізу і інфармацыйнага забеспячэння навукова-тэхнічнай сферы" Уладзімір Суша і дырэктар ДНУ "Інстытут біяфізікі і клетачнай інжынерыі НАН Беларусі" Андрэй Ганчароў.

ДКНТ прадставіў журналістам Комплексны прагноз навукова-тэхнічнага прагрэсу Беларусі на найбліжэйшыя 5 і 20 гадоў. Ён распрацаваны для 15 галін эканомікі і 22 відаў эканамічнай дзейнасці, у якіх ствараецца амаль увесь ВУП краіны.

Пры падрыхтоўцы гэтага дакумента эксперты правялі сістэмную работу па вызначэнні найбольш перспектыўных для Беларусі інавацыйных тэхналогій, тавараў у галіне штучнага інтэлекту, станкабудавання і робататэхнікі, мікраэлектронікі і прыборабудавання, беспілотных сістэм, адытыўных тэхналогій і новых матэрыялаў, а таксама біялагічных і фармацэўтычных тэхналогій.

Падрыхтаваны рэкамендацыі па распрацоўцы галіновых стратэгій развіцця, прызначаныя для павышэння ўзроўню тэхналагічнасці галін эканомікі і відаў эканамічнай дзейнасці, планавання мэтавых паказчыкаў (індыкатараў), якія адлюстроўваюць уплыў навукі і тэхналогій на развіццё галіны, а таксама падрыхтоўкі праектаў і бізнес-планаў, канкрэтных мерапрыемстваў па развіццю падведамасных арганізацый.

Акрамя таго, сфарміраваны пералік комплексных праектаў для 22 відаў эканамічнай дзейнасці. Запланавана іх паэтапная рэалізацыя ў залежнасці ад наяўнасці ў Беларусі навукова-тэхнічнага зачыну — ад фундаментальных даследаванняў да канкрэтнага аб'екта камерцыялізацыі.

На аснове вынікаў КП НТП сфарміраваны прыярытэтныя напрамкі навуковай, навукова-тэхнічнай і інавацыйнай дзейнасці на сярэднетэрміновы перыяд. Яны паслужаць асновай для распрацоўкі Указа Прэзідэнта Рэспублікі Беларусь аб прыярытэтных напрамках на наступную пяцігодку.