Беларускі інстытут сістэмнага аналізу і інфармацыйнага забеспячэння навукова-тэхнічнай сферы

У Беларусі зацверджаны пералік дзяржпраграм навуковых даследаванняў на 2026-2030 гады
Адрас дакумента: http://www.belisa.org.by/by/news/e16ad4a9ffc58fc0.html

13.10.2025

Пастановай Савета Міністраў Рэспублікі Беларусь ад 9 кастрычніка 2025 г. № 555 зацверджаны пералік дзяржаўных праграм навуковых даследаванняў на 2026-2030 гады.

У пералік увайшлі 12 дзяржпраграм навуковых даследаванняў:

• "Энергафізічныя сістэмы і тэхналогіі" ("Энергафізіка-2030");
• "Хімічныя працэсы і тэхналогіі";
• "Генамныя, малекулярныя і клеткавыя тэхналогіі" ("Геном, малекула і клетка");
• "Інтэлектуальныя інфармацыйныя і касмічныя тэхналогіі, бяспека чалавека, грамадства і дзяржавы";
• "Фатоніка і мікраэлектроніка";
• "Механіка, машынабудаванне, рабатызаваныя, беспілотныя і інтэлектуальныя сістэмы";
• "Сучаснае матэрыялазнаўства, перспектыўныя матэрыялы і новыя тэхналогіі";
• "Рацыянальнае прыродакарыстанне";
• "Міждысцыплінарныя і сінэргетычныя даследаванні" ("Канвергенцыя-2030");
• "Інавацыі ў АПК";
• "Эксперыментальная медыцына і медыцынскія біятэхналогіі";
• "Сацыяльна-эканамічная, палітычная і нацыянальна-культурная бяспека беларускай дзяржаўнасці".

Для кожнай праграмы вызначаны асноўныя мэты, дзяржаўныя заказчыкі, галаўныя арганізацыі-выканаўцы і аб'ёмы фінансавання.

Прававы акт прыняты ў адпаведнасці з Законам Рэспублікі Беларусь ад 21 кастрычніка 1996 г. № 708-XIII " Аб навуковай дзейнасці".

Пастанова набыла моц з 11 кастрычніка 2025 г.

Крыніца: Нацыянальны прававы Інтэрнэт-партал Рэспублікі Беларусь